காதல் தீ..

..

வழி தடுக்கி
விழுந்த போதெல்லாம்
எழுந்து போனேன்..
உன்
விழி தடுக்கி
விழுந்த போதுதான்
எரிந்து போனேன்...





தேனி

இதழ் திறந்து
காத்திருக்கையில்
மௌனங்கள்
பலனில்லை
மலருக்கும்..





அம்மாவாசை


நிலவை காண
நீ காத்திருக்கையில்..
நீ இருக்கின்றாய்
என
நிலவின் விடுமுறை நாள்..



விலையேற்றம்



உன் அழகை
கூட்டாவிடினும்
தங்கம்
விலை கூடுதடி
உன் தீண்டலில்..

(ஹிஹி.. இது காதல் கவிதை மாதிரியும் எடுத்துக்கலாம் ... அதாவது பெண்கள் நகை அணிவதால் தான் நாளுக்கு நாள் தங்கம் விலை கூடிக்கொண்டே போகின்றது என இன்னொரு கருத்து.. அத சொல்ல வந்தேன்பா!)