உன்னை நினைக்கவில்லை..

சூரிய கதிர்கள் தீண்டுகையில்
விழிகள் அறியா தூரத்தில்
உன்னையும் சூரியன்
தொட்டு எழுப்பி இருப்பான்
என நினைக்கவில்லை..

காலை எழுந்ததும் முதலில்
மனதில் உன்னை நினைக்கவில்லை..

உணவு சாப்பிட்டால்
நீ சாப்பிட்டு இருப்பாயா?
என தோன்றவில்லை..

வீட்டில் சிரித்து பேசினால்
உன் சிரிப்புகள்
ஏதும் நினைவு வரவில்லை..

ஏதேனும் வரி தொலைத்த
பாட்டை கேட்டால்..
உன் முகம் மனதில் நிற்கவில்லை..

அழகானவை எதுவுமே
உன்னை நியாபகபடுத்தவில்லை..

கனவினில் வந்து
காயங்களும் செய்யவில்லை..

நிலவின் வெப்பத்தில் கூட
நினைவுக்கு வரவில்லை நீ..

இந்த பாழாய் போன
இதயத்துடிப்புகள் மட்டும்
உன்னை நினைவூட்டாமல் இருந்திருந்தால்....