வாழ்க்கை கவிதை

நான் பெண் கேட்டு
சென்றேன்
அவள் தந்தை
ஜாதி கேட்டு நின்றான்..

மனித ஜாதி நாங்கள்
என்று முழக்கமிட்டேன்

தேவையில்லை
நீ என் ஜாதியா என்றான்?

கீறி பார்த்தால்
சிகப்பு இரத்தம்
உயர்வு தாழ்வு மனதின் அளவு
இதில் ஜாதி என்ன பேதமென்ன?

பிறப்பில் உண்டு ஜாதி
நீ அதை சொல் என்றான்..

பிறப்பு வழி சிறப்பெல்லாம்
முயற்சி தமை மறந்தோர்க்கு
நான் என் காலில் நிற்ப்பவன்

சிந்தித்து விட்டு
சிரிக்கவும் செய்தான்

சம்பளம் எவ்வளவு?
கிம்பளம் எவ்வளவு?

நேர்மையும் நாணயமும்
நேரத்துக்கேற்ப்ப அல்ல
நாணயத்துக்கு ஏற்ப்பவும் அல்ல

உள் சென்று வழிப்பட்டு
வெளி செல்கையில்
பிச்சையிட்டு
பாவம் தீர்த்துக்கொள்ள
கடவுள் என்ன கடன்காரரா..

சொந்தங்கள் உண்டா?
அவற்றுடன் பழக்கமுண்டா?

உறவில் சில
உறுத்தல்கள் தான்..
உதறி விட்டு செல்வதானால்
உலகில் இங்கு யாருமில்லை..

என் பெண்ணை
உனக்கு கட்டி தர யோசிக்கனும்
நீ வாழத்தெரியாதவன்..

வாங்கவில்லை என்றால்
வாழத்தெரியாதவனா?
சொல்லிவிட்டு
விடை சொல்லிவிட்டு வந்தேன்..
**************************************************

மக்களே! வந்துட்டேன்! சொல்லாமல் எடுத்து கொண்ட மூன்று வார விடுப்புக்கு மன்னிக்க! இப்போ வந்துட்டோம்ல! மக்கா! எல்லாரும் எப்படி இருக்கீங்க! இது சும்மா இப்போதைக்கு.
வார கடசில தேவதை கவிதை ஒன்னு ரெடி ஆயிட்டு இருக்கு.

இன்னும் சில பேரோட பதிவுகள படிக்கல. சீக்கிரம் படிச்சு கமெண்ட்டரேன்!