தேவதை ஊர்வலம்..

மனசெல்லாம் கொண்டாட்டம்
ஜாதி மத பேதமின்றி
உன் விழி சந்தித்த விழா..

இன்றோடு முடிந்தது
எனற்கான வாழ்க்கை
இனி உனற்காக மட்டும்..

தேவதை கதைகளை எல்லாம்
நம்ப மறந்து விட்டு
உன்னை கண்டதும்
என்னை மறந்து விட்டேன்..


.



தொலைபேசியில்
நீ அழைத்ததும்
போனது என் உயிர்..

உன் உச்சரிப்பில்
பிறவிப் பயன்
என் பெயருக்கு..

என் பெயரின் மீது
இப்போழுது
எனக்கே பொறாமை!



.



உன் காதணி அழகு
ஒரு கவிஞனின் பிறப்பு..

உன் தலையசைப்பு புவி ஈர்ப்பு..
ஆப்பிள் என் இதயம்..
விளக்கம் சொல்ல நியூட்டன் எங்கே?

என் ஒரு கண்ணை குத்திவிட்டு
மறு கண்ணில் முத்தமிடுகின்றாய்
நான் அழுவதா? எரிவதா?



புதுக்கவிதையும் புரட்சியும் நீ
பாரதியும் தாசனும் நான்..

சுட்டும் சுடர் விழி தான் கண்ணம்மா
சீக்கிரம் சந்திரன் வரட்டும்..
சாத்திரம் பேசும் முன்னே கண்ணம்மா
சாவை கொடுத்து விடுடி எனற்கு..



நமது எல்லா சந்திப்புகளும்
உன் சிரிப்பினில் முடிகையில்..
எனது எல்லா கவிதைகளும்
எப்பொழுதும் சோகத்தில் முடியுது..

நீ என்னை பிரிந்து செல்கின்றாய்
நான் என்னை மறந்து காண்கின்றேன்..
நடப்பது..தேவதை ஊர்வலம்.

-----------------------------------------------------------------

பி.கு: என்னடா April 1st பதிவு போடுறானே என்று பார்க்கின்றீர்களா? போன வருஷம் ஏப்ரல் வரை ஒரு வேலை நான் முட்டாள் இல்லையோ என்ற ஒரு சந்தேகம். இந்த வருஷம், இல்ல,இது நமக்கான பண்டிகை தான் என்று சந்தேகம் இன்றி ஊர்ஜிதம்!

மிக விரைவில்...IT companies - திடுக்கிடும் உண்மைகள் - இது தான் நிஜ முகமா?