தேவதை கனவுகள்..

இதறகு முந்தைய பகுதி - தேவதை ஊர்வலம்



இரவெல்லாம்
பகல் தேடும் நிலவு உனது..
வழியெல்லாம்
உனை தேடும் விழிகள் எனது..




இதழெல்லாம்
பூக்கும் புன்னகை உனது..
மலரெல்லாம்
மொய்க்கும் மறதி எனது..







இசையெல்லாம்
இரைந்து கிடக்கும் ஸ்வரங்கள் உனது...
பூமியெங்கும்
விளைந்து இருக்கும் மூங்கில் எனது..




இடியெல்லாம்
மலர்ந்து வரும் மேகம் உனது..
பூவெல்லாம்
வெடித்து திறக்கும் பேரொலி எனது..






இமையெல்லாம்
திறந்து வரும் கண்ணீர் உனது..
வலியெல்லாம்
கடந்து வரும் சிரிப்பு எனது..



இதயமெல்லாம்
தொலைத்து விட்ட காதல் உனது..
மனதெல்லாம்
மறத்து விட்ட கடமை எனது..




இதோ
அர்த்தம் தொலைத்த கவிதைகள் உனது..
விழித்தும்
கலைய மறுக்கும் கனவுகள் எனது..
தேவதை கனவுகள்..